ﺍﻟﻘﺼﻪ ﺩﻱ ﺣﺘﻜﻮﻥ ﻣﺨﺘﻠﻔﻪ ﺷﻮﻳﻪ ﺣﻴﻜﻮﻥ ﻓﻴﻬﺎ ﺣﺐ ﻭﺻﺪﺍﻗﻪ ﻭﻋﻔﻮﻳﻪ ﻭﺟﻨﻮﻥ ﻭﻋﺼﺒﻴﻪ ﺍﻟﻘﺼﻪ ﻭﺍﻗﻌﻴﻪ ﺗﺎﺑﻌﻮ ﻭﻗﺮﺍﺀﻩ ﻣﻤﺘﻌﻪ ﻱ ﺭﺏ ❤
( ﺻﺤﻴﺖ ﻣﻦ ﺍﻟﻨﻮﻡ ﻭﻣﺸﻴﺖ ﻃﻠﻌﺖ ﺑﺮﻩ ﻏﺮﻓﺘﻲ ﻣﺸﻴﺖ ﻟﻘﻴﺖ ﺍﻣﻲ ﺑﺮﻩ ﻓﻲ ﺍﻟﺤﻮﺵ )
ﺍﻧﺎ : ﻣﺎﻣﺎ ﻳﺎ ﻭﻳﻦ ﻱ ﻣﺰﻩ ﺻﺒﺎﺡ ﺍﻟﺨﻴﺮ
ﺍﻣﻲ : ﻱ ﺑﺖ ﺍﻧﺎ ﻣﺶ ﻗﻠﺖ ﻟﻴﻚ ﻡ ﺗﻘﻮﻟﻲ ﻟﻲ ﻣﺰﻩ ﺗﺎﻧﻲ 😡ﺍﻟﻜﻠﻤﻪ ﺩﻱ ﺣﻘﺖ ﺍﻟﻨﺴﻮﺍﻥ ﺍﻟﻘﻠﻴﻼﺕ ﺍﺩﺏ 😒
ﺍﻧﺎ : ﺧﻼﺹ ﻣﻌﻠﻴﺶ ﻱ ﺍﻟﺴﻤﺤﻪ ﺍﻫﺎ ﺍﺻﺒﺤﺘﻲ ﻛﻴﻒ
ﺍﻣﻲ : ﺗﻤﺎﻡ ﻳﻼ ﺍﻣﺸﻲ ﺍﺳﺘﺤﻤﻲ ﻭﻏﻴﺮﻱ ﻫﺪﻭﻣﻚ ﺩﻱ ﻭﺍﻣﺸﻲ ﺷﻮﻓﻲ ﺍﻟﺸﺎﻱ ﺩﺍﻙ ﺍﺷﺮﺑﻴﻬﻮ ﺻﺎﺣﻴﻪ ﻟﻲ ﻋﻠﻲ ﻛﻴﻔﻚ
ﺍﻧﺎ : ﺍﻣﻲ ﺍﻟﺪﻧﻴﺎ ﺍﺟﺎﺯﻩ ﻳﻌﻨﻲ ﺍﺻﺤﻰ ﻟﻴﻜﻢ 🐸9 ﺻﻼﺗﻲ ﻭﺑﺼﺤﻰ ﺑﺼﻠﻴﻬﺎ ﻭﺑﺮﺟﻊ ﺑﻨﻮﻡ
ﺍﻣﻲ : ﺍﻟﻨﻮﻡ ﺑﻤﻴﺖ ﺍﻟﻘﻠﺐ ﻣﺎ ﻭﺭﻭﻙ
ﺍﻧﺎ : ﻭﺍﻟﻠﻪ ﻱ ﺍﻣﻲ ﺍﺻﻠﻲ ﻗﻠﺒﻲ ﻣﻴﺖ +😂 ﺍﻭﻝ ﻣﺮﻩ ﺍﻋﺮﻑ ﺍﻧﻮ ﺑﻤﻴﺖ ﺍﻟﻘﻠﺐ ﺳﻤﻌﻨﺎ ﺑﺎﻟﻀﺤﻚ ﻳﻤﻴﺖ ﺍﻟﻘﻠﺐ ﻟﻜﻦ ﺍﻟﻨﻮﻡ ﺩﻩ ﺍﻻ ﻛﺎﻥ ﺍﺧﺘﺮﻋﺘﻲ ﺍﻧﺘﻲ 🤣
( ﻭﺑﻘﻴﺖ ﺍﻛﺎﻭﻱ ﻭﻓﻴﻬﺎ ﻭﺍﻣﻲ ﺟﻨﻬﺎ ﻭﺟﻦ ﺍﻟﻤﻜﺎﻭﻯ 😂 )
ﺍﻣﻲ : ﻡ ﺟﻨﺒﻲ ﻣﻔﺮﺍﻛﻪ ﻛﺎﻥ ﻓﻨﻴﺘﻚ ﺑﻴﻬﺎ 😡
ﺍﻧﺎ : ﺧﻼﺹ ﻣﻌﻠﻴﺶ ﻱ ﺍﻟﺤﺠﻪ
ﺍﻣﻲ : ﺗﺤﺠﻲ ﺑﻲ ﻗﺮﻋﻪ ﻗﺎﻝ ﺣﺠﻪ ﻗﺎﻝ ﺣﺠﺠﺘﻴﻨﻲ ﺍﻧﺘﻲ؟؟ !
[ v ] # ﺑﺎﺍﺍﻙ ﺍﻋﺮﻓﻜﻢ ﻋﻦ ﺍﻟﺒﻄﻠﻪ ﺣﻘﺘﻨﺎ
( ﺍﺳﻤﻬﺎ ﺍﻣﻞ ﻋﻤﺮﻫﺎ 17 ﻣﺎﺷﻪ ﺗﺎﻧﻴﻪ ﺟﺎﻣﻌﻪ ﺳﺎﻛﻨﻪ ﺍﻟﺨﺮﻃﻮﻡ
ﻭ ﺑﺘﺤﺐ ﺍﻟﺪﺭﺍﺳﻪ ﻭﺷﺎﻃﺮﻩ ﺷﺪﻳﺪ ﺍﻟﻤﻬﻢ ﻫﻲ ﺳﻤﺤﻪ ﻛﺪﺍ ﻭﺷﻬﺎ ﻣﺪﻭﺭ ﻟﻮﻧﻬﺎ ﻣﺎﻳﻞ ﻟﻠﻮﻥ ﺍﻟﻔﺎﺗﺢ ﻋﻨﺪﻫﺎ ﻏﻤﺎﺯﻩ ﻭﺍﻧﻴﻘﻪ ﻭﺳﻤﺤﻪ ﻭﻋﻴﻮﻧﻬﺎ ﻛﺒﺎﺭ ﻭﺧﺸﻤﻬﺎ ﺻﻐﻴﺮ ﺷﻌﺮﻫﺎ ﻃﻮﻳﻞ ﺷﺪﻳﺪ ﺑﺘﻘﺼﻮ ﻃﻮﺍﻟﻲ ﻭﻡ ﺑﺘﻌﺮﻑ ﺗﺴﺮﺣﻮ ﻻﻧﻮ ﺑﻌﺬﺑﻬﺎ ﺑﺘﻌﻤﻞ ﻛﻌﻜﻪ ﺑﺲ ﺍﻟﻤﻬﻢ ﻳﻌﻨﻲ ﻫﻲ ﺳﻤﺤﻪ ﻣﻦ ﺍﻱ ﻧﺎﺣﻴﻪ ﻳﻼ ﺑﺲ ﻳﺨﻮﺍﻧﻪ ﻣﺠﻨﻮﻧﻪ ﺷﺪﻳﺪ 😂
ﺷﺒﻪ ﺡ ﺗﻔﻘﺪ ﻋﻘﻠﻬﺎ ﻭﻻ ﻳﻤﻜﻦ ﺗﻜﻮﻥ ﻓﻘﺪﺗﻮ ﻭﻫﻲ ﻡ ﻋﺎﺭﻓﻪ 😂 ﺑﺲ ﻃﻴﺒﻪ ﺷﺪﻳﺪ ﻭﺣﺴﺎﺳﻪ ﻛﻤﺎﻥ ﺟﻨﻬﺎ ﺑﻜﻲ ﻭﺿﺤﻚ ﺑﺘﺒﻜﻲ ﻣﻦ ﺍﻗﻞ ﺷﻲ ﻭﺑﺘﻀﺤﻚ ﻛﻤﺎﻥ ﺿﺤﻜﺘﻬﺎ ﺣﻠﻮﻩ ﺷﺪﻳﺪ ﻭﻋﻔﻮﻳﻪ ﻭﺑﺘﺤﺐ ﺗﺴﺎﻋﺪ ﺍﻟﻨﺎﺱ
ﺩﺍﻳﻤﺎ ﺑﺘﺘﺼﺮﻑ ﺑﻌﻘﻞ ﻃﻔﻮﻟﻲ ﻭﻣﺎ ﺑﺘﺨﺖ ﺑﺎﻟﻬﺎ ﻟﻠﺤﺎﺟﻪ ﺍﻟﺒﺘﻌﻤﻠﻬﺎ ﻳﻌﻨﻲ ﺍﻟﺒﺠﻴﻬﺎ ﻓﻲ ﺭﺍﺳﻬﺎ ﺩﺍﻙ ﺑﺘﺴﻮﻳﻬﻮ ﻟﻮ ﻃﻠﻊ ﺻﺎﺡ ﺧﻼﺹ ﻭﻟﻮ ﻡ ﻃﻠﻊ ﺻﺎﺡ ﺑﺘﺠﻴﺐ ﻟﻴﻬﻮ ﻣﺒﺮﺭ 😂
ﻭﻋﻨﻴﺪﻩ ﺷﺪﻳﺪ ﻳﻌﻨﻲ ﺍﻟﻔﻲ ﺭﺍﺳﻬﺎ ﺩﺍﻙ ﺑﺘﺴﻮﻳﻬﻮ ﻟﻮ ﺍﻧﻘﻠﺐ ﺍﻟﺤﻜﻢ ﺗﺎﻧﻲ 🙈😂
ﺍﻱ ﻱ ﺟﻤﺎﻋﻪ ﻫﻲ ﺑﺘﻀﺤﻚ ﻭﺍﻱ ﺣﺎﺟﻪ ﻭﻣﺠﻨﻮﻧﻪ ﻭﺍﻟﺒﺸﻮﻓﻬﺎ ﺑﻘﻮﻝ ﺍﻧﻬﺎ ﺳﻌﻴﺪﻩ ﻭﺣﻴﺎﺗﻬﺎ ﺣﻠﻮﻩ ﻭﻡ ﺣﺼﻞ ﺑﻜﺖ ﻭﻻ ﺣﺰﻧﺖ ﺑﺲ ﻱ ﺟﻤﺎﻋﻪ ﻡ ﺑﺘﻨﻮﻡ ﺍﻻ ﻭﻓﻲ ﻋﻴﻮﻧﻬﺎ ﺩﻣﻮﻉ ﻋﻨﺪﻫﺎ ﻣﺂﺳﻲ ﻓﻲ ﺣﻴﺎﺗﻬﺎ ﺑﺲ ﺭﻏﻢ ﻛﺪﺍ ﺑﺘﻀﺤﻚ ﻭﺑﺘﺪﻭﺱ ﻋﻠﻲ ﻫﻤﻬﺎ ﺑﻲ ﺿﺤﻜﺘﻬﺎ ﺍﻫﺎ ﻫﻤﻮﻣﻬﺎ ﺩﻱ ﻣﻨﻬﺎ ﺍﻧﻮ ﺍﺑﻮﻫﺎ ﻣﺘﺰﻭﺝ ﻭﺣﺪﻩ ﺗﺎﻧﻴﻪ ﻭﺍﻧﻮ ﻫﻲ ﻭﺍﻣﻬﺎ ﻗﺎﻋﺪﻳﻦ ﻣﻊ ﻋﻤﻬﺎ ..
ﻭﺍﺑﻮﻫﺎ ﻗﺎﻋﺪ ﻣﻊ ﺍﻟﻤﺮﻩ ﺍﻟﺘﺎﻧﻴﻪ ﺩﻳﻚ ﻓﻲ ﺍﻟﺴﻌﻮﺩﻳﻪ ﻭﺑﺠﻲ ﺑﺲ ﺍﺟﺎﺯﺍﺕ ﻫﻲ ﻫﺴﻲ ﻟﻴﻬﺎ 3 ﺳﻨﻴﻦ ﻡ ﺷﺎﻓﺖ ﻭﺵ ﺍﺑﻮﻫﺎ ﺍﻻ ﺑﺘﺘﻜﻠﻢ ﻣﻌﺎﻫﻮ ﻣﻜﺎﻟﻤﺎﺕ ﻭﺍﻻﻛﻌﺐ ﻣﻦ ﻛﺪﺍ ﺍﻧﻮ ﺳﺎﻕ ﺍﺧﻮﻫﺎ ﻣﻌﺎﻫﻮ ﺍﻟﺴﻌﻮﺩﻳﻪ ﺍﺧﻮﻫﺎ ﺍﺳﻤﻮ ﺧﺎﻟﺪ ﻋﻤﺮﻭ 23 ﺳﻨﻪ ﺷﻐﺎﻝ ﻓﻲ ﺍﻟﺴﻌﻮﺩﻳﻪ ﻣﻊ ﺍﺑﻮﻫﺎ ﻭﻫﻲ ﻭﺍﻣﻬﺎ ﻗﺎﻋﺪﻳﻦ ﻫﻨﺎ ﺑﺮﺍﻫﻢ ﻣﻊ ﻋﻤﻬﺎ ﻳﺲ ﻳﻼ ﺍﺑﻮﻫﺎ ﻫﺴﻲ ﺑﻘﻰ ﻣﻌﻘﺪ ﺷﺪﻳﺪ ﻡ ﻋﺎﺭﻓﻨﺎ ﺍﻟﺤﻜﺎﻳﻪ ﺷﻨﻮ ﻧﻮﺍﺻﻞ ﻭﺑﺘﻌﺮﻓﻮ …
ﻳﻼ ﻣﺮﺕ ﺍﺑﻮﻫﺎ ﺍﻟﺘﺎﻧﻴﻪ ﺩﻱ ﺍﺳﻤﻬﺎ ﻧﺎﻫﺪ ﻭﻋﻨﺪﻫﺎ ﺗﻼﺗﻪ ﺍﻭﻻﺩ ﻣﻦ ﺍﺑﻮﻫﺎ ﺍﺳﻤﻬﻢ -:
ﻣﺤﻤﺪ ﺩﻩ ﺍﻟﻜﺒﻴﺮ ﻋﻤﺮﻭ 19 ﻭﻋﻨﺪﻫﺎ ﺗﺎﻧﻲ ﺍﺻﻐﺮ ﻣﻨﻮ ﺍﺳﻤﻮ ﻭﻫﺎﺝ ﻋﻤﺮﻭ 16 ﻳﻼ ﺩﻩ ﺻﺎﺣﺒﻬﺎ ﺷﺪﻳﺪ ﻫﻲ ﺑﻌﺘﺒﺮﻫﻢ ﺯﻱ ﺍﺧﻮﺍﻧﻬﺎ ﺣﺘﻰ ﻣﺮﺗﻮ ﺍﻟﺘﺎﻧﻴﻪ ﻧﺎﻫﺪ ﺩﻱ ﺍﻣﻞ ﻣﺮﺍﺕ ﺑﺘﻘﻮﻝ ﻟﻴﻬﺎ ﺍﻣﻲ
ﻳﻼ ﻋﻨﺪﻫﺎ ﻭﻟﺪ ﺗﺎﻧﻲ ﺍﺳﻤﻮ ﻣﺼﻄﻔﻰ ﻋﻤﺮﻭ 7 ﻭﺩﻩ ﺍﻟﺼﻐﻴﺮ ﺑﺮﺿﻮ ﻇﺮﻳﻒ ﻭﻋﺴﻞ ﺷﺪﻳﺪ … ﻳﻼ ﻫﻢ ﻭﺿﻌﻬﻢ ﻛﻮﻳﺲ ﺍﻟﺤﻤﺪﻟﻠﻪ ﻭﻋﺎﻳﺸﻴﻦ ﻓﻲ ﺍﻣﺎﻧﻪ ﺍﻟﻠﻪ ﻳﻼ ﺍﻟﺰﻣﻦ ﺩﺍﻙ ﻫﻲ ﻡ ﻛﺎﻥ ﻋﻨﺪﻱ ﺗﻠﻔﻮﻥ ﻭﻛﺎﻧﺖ ﻓﻲ ﺍﻻﺟﺎﺯﻩ ﺍﻟﻜﺒﻴﺮﻩ ﺣﻘﺖ ﺗﺎﻧﻴﻪ ﻭﻓﻀﻞ ﺍﺳﺒﻮﻋﻴﻦ ﻭﺗﺨﺶ ﺍﻟﻜﻮﺭﺱ ﺣﻖ ﺗﺎﻧﻴﻪ ﺟﺎﻣﻌﻪ )
ﻧﺘﺎﺑﻊ ﺍﻟﺮﻭﺍﻳﻪ ﻣﻦ ﻣﺤﻞ ﻡ ﻭﻗﻔﻨﺎ 😍
ﺷﻠﺖ ﻫﺪﻭﻣﻲ ﻭﻣﺸﻴﺖ ﺍﺳﺘﺤﻤﻴﺖ ﻭﺍﺗﺴﻮﻛﺖ ﺷﺮﺑﺖ ﺍﻟﺸﺎﻱ ﺣﻘﻲ ﻭﻣﺸﻴﺖ ﺳﻠﻤﺖ ﻋﻠﻲ ﻋﻤﻲ ﻭﻣﺮﺗﻮ ﻭﺻﺒﺤﺖ ﻋﻠﻴﻬﻢ ﻭﺑﻘﻴﺖ ﻣﺎﺭﻗﻪ ﻟﻲ ﻟﻠﺤﺠﻪ ﺻﺤﻲ ﻡ ﻋﺮﻓﺘﻜﻢ ﻋﻠﻴﻬﻮ
ﻳﻼ ﻋﻤﻲ ﺩﻩ ﺍﺳﻤﻮ ﻳﺲ ﻋﻤﻲ ﺩﻩ ﻋﺴﻞ ﺷﺪﻳﺪ ﻭﺍﻟﻠﻪ ﺑﺤﺒﻮ ﺣﺐ ﻧﻬﺎﺍﺍﺍﺍﺋﻲ ﻡ ﺑﻘﺼﺮ ﻣﻌﺎﻧﺎ ﻭﺑﺤﺒﻨﺎ ﺷﺪﻳﺪ ﻣﺮﺍﺕ ﺑﺤﺴﻮ ﺑﺤﺒﻨﺎ ﺍﻛﺘﺮ ﻣﻦ ﺍﺑﻮﻱ 💔 ﻳﻼ ﻣﺮﺗﻮ ﺍﺳﻤﻬﺎ ﺭﺍﻧﻴﺎ ﺑﺮﺿﻮ ﻇﺮﻳﻔﻪ ﺷﺪﻳﺪ ﻭﻋﺴﻞ ﻭﻛﻤﺎﻥ ﺑﺘﺤﺒﻨﺎ ﺑﺲ ﻟﻼﺳﻒ ﻡ ﻋﻨﺪﻭ ﻻ ﺍﻭﻻﺩ ﻭﻻ ﺑﻨﺎﺕ ﺭﺑﻨﺎ ﻟﺴﻪ ﻡ ﺭﺯﻗﻮ ﺭﻏﻢ ﺍﻧﻮ ﺑﺤﺐ ﺍﻻﻃﻔﺎﻝ ﺷﺪﻳﺪ ﺑﺲ ﺭﺑﻨﺎ ﻳﺪﻳﻬﻮ ❤❤ ﻋﻤﻲ ﺩﻩ ﻡ ﻛﺒﻴﺮ ﻋﻤﺮﻭ 30 ﺳﻨﻪ ﻛﺪﺍ ﻭﻣﺮﺗﻮ ﻋﻤﺮﻫﺎ 25 ﻳﻼ ﻫﻢ ﺍﺻﺤﺎﺑﻲ ﻋﺪﻳﻞ 🤣 ﺑﻨﻄﻖ ﺍﻟﻮﻧﺴﻪ ﺳﻮﺍ ﻭﺑﻨﻔﻀﻔﺾ ﻟﻲ ﺑﻌﺾ ﺑﺤﺴﻬﻢ ﺍﺻﺤﺎﺑﻲ ﺍﻧﺎ ﻡ ﻋﻨﺪﻱ ﺻﺤﺒﺎﺕ ﺷﺪﻳﺪ ﻛﺪﺍ ﻻﻥ ﺯﻱ ﻡ ﻛﻠﻤﺘﻜﻢ ﺍﺑﻮﻱ ﺑﻘﻰ ﻣﻌﻘﺪ ﻭﻳﻌﻨﻲ ﺑﻄﻠﻊ ﻣﻦ ﺍﻟﺒﻴﺖ ﺑﻌﺪ ﺗﻌﺐ ﻟﻮ ﻫﻮ ﻋﺮﻑ ﺑﺲ ﺍﻣﻲ ﺑﺘﺨﻠﻴﻨﻲ ﺍﻣﺸﻲ ﻟﻲ ﺻﺤﺒﺎﺗﻲ ﻭﻛﺪﺍ ﺑﺲ ﻃﺒﻌﺎ ﻡ ﺑﻄﻠﻊ ﻛﺘﻴﺮ ﻋﺸﺎﻥ ﻛﺪﺍ ﻳﻌﻨﻲ ﻣﺎﻳﻠﻪ ﻟﻲ ﻋﻤﻲ ﻭﻣﺮﺗﻮ ﺍﻛﺘﺮ ﻛﻨﺎ ﺍﺻﺤﺎﺏ ﺷﺪﻳﺪ ﻭﻛﺪﺍ … ﻧﺮﺟﻊ ﻟﻠﺮﻭﺍﻳﻪ
ﺍﻧﺎ : ﻣﺎﻣﺘﻲ ﻱ ﺍﻟﺴﻤﺤﻪ
ﺍﻣﻲ : ﺍﻃﻠﺒﻲ ﺑﺪﻭﻥ ﻣﻘﺪﻣﺎﺕ ﺍﺻﻼ ﺍﻟﻜﻼﻡ ﺍﻟﺴﻤﺎﺣﻪ ﺩﻩ ﺍﻻ ﺑﻲ ﻓﺎﻳﺪﻩ
ﺍﻧﺎ : ﻭﺍﻟﻠﻪ ﻱ ﺣﺠﻪ ﺍﻧﺘﻲ ﻣﻔﺘﺤﻪ ﺧﻼﺹ 😂
ﺍﻣﻲ : ﺍﻫﺎ ﻳﻼ ﺳﺮﻳﻊ ﻋﺸﺎﻥ ﻋﻨﺪﻱ ﺷﻐﻞ ﻭﺍﻧﺘﻲ ﺑﻌﺪ ﺗﻨﺘﻬﻲ ﻗﺸﻲ ﺍﻟﺤﻮﺵ ﺩﻩ ﻭﺟﻬﺰﻱ ﻟﻠﻔﻄﻮﺭ
ﺍﻧﺎ : ﺍﻣﻲ ﺍﻱ ﺷﻲ ﺑﺴﻮﻳﻬﻮ ﻟﻴﻚ ﺑﺲ ﺍﻭﻝ ﺍﺳﻤﻌﻴﻨﻲ
ﺍﻣﻲ : ﺍﻫﺎ ﻓﻲ ﺷﻨﻮ ﻗﻮﻟﻲ
ﺍﻧﺎ : ﻱ ﻗﻠﺒﻲ ﺍﻧﺎ ﻛﺪﻱ ﺍﻗﻌﺪﻱ ﻟﻲ ﻫﻨﺎ ﻋﺸﺎﻥ ﻧﺘﻨﺎﻗﺶ ﺑﻲ ﻣﺰﺍﺝ
ﺍﻣﻲ : ﺍﻟﻤﻮﺿﻮﻉ ﺷﻜﻠﻮ ﺧﻄﻴﺮ ﻳﻼ ﺍﻫﺎ ﻗﻌﺪﺕ
ﺍﻧﺎ : ﻫﻬﻬﻬﻪ ﻡ ﺧﻄﻴﺮ ﻱ ﺣﺠﻪ ﺍﻗﺼﺪ ﻱ ﺍﻟﺴﻤﺤﻪ
ﺍﻣﻲ 😂: ﻡ ﺍﻇﻦ ﺍﻫﺎ ﻗﻮﻟﻲ
ﺍﻧﺎ : ﺍﻣﻲ ﻳﺦ ﺍﻧﺎ ﺑﻘﻴﺖ ﺑﺖ ﻛﺒﻴﺮﻩ ﻭﻭﺍﻋﻴﻪ ﻱ ﺍﻣﻲ ﻭﻋﺎﻳﺰﻩ ﺍﻛﻮﻥ ﺯﻱ ﻭﺯﻱ ﺍﻟﺒﻨﺎﺕ ﻭﺻﺤﺒﺎﺗﻲ
ﺍﻣﻲ : ﺍﺳﻲ ﺍﻧﺎ ﻣﻘﺼﺮﻩ ﻣﻌﺎﻙ 😪
ﺍﻧﺎ : ﻻﻻ ﻱ ﺍﻣﻲ ﺣﺎﺷﺎﻙ ﻭﺍﻟﻠﻪ ﻡ ﻣﻘﺼﺮﻩ ﺑﺲ ﻳﺎ ﺍﻣﻲ ﺍﻧﺎ ﻋﺎﻳﺰﻩ ﺗﻠﻔﻮﻥ ﻭﺍﻟﻠﻪ ﻣﻠﻴﺖ ﻣﻦ ﻗﻌﺎﺩ ﺍﻟﺒﻴﺖ ﻭﺍﻟﺰﻫﺞ ﻋﺎﻳﺰﻩ ﺗﻠﻔﻮﻥ ﺍﻓﺮﻕ ﺑﻴﻬﻮ
ﺍﻣﻲ : ﻱ ﺑﺘﻲ ﺍﻧﺘﻲ ﺍﺑﻮﻙ ﺟﺪﻳﺪ ﻋﻠﻴﻚ؟؟ﻱ ﺑﺖ ﺍﺑﻮﻙ ﻟﻮ ﻋﺮﻑ ﺍﻧﻮ ﺟﺒﺖ ﻟﻴﻚ ﺗﻠﻔﻮﻥ ﺑﻘﺘﻠﻨﺎ ﻭﺑﻜﺴﺮ ﺍﻟﺘﻠﻔﻮﻥ
ﺍﻧﺎ : ﻟﻲ ﻟﻜﻦ ﻱ ﺍﻣﻲ ﺍﻧﺎ ﻋﺎﻳﺰﻩ ﺍﺗﻮﻧﺲ ﺑﻴﻬﻮ ﻣﻊ ﺻﺤﺒﺎﺗﻲ ﻡ ﻋﻨﺪﻱ ﻓﻴﻬﻮ ﺷﻲ
ﺍﻣﻲ : ﻃﻴﺐ ﺍﻧﺎ ﺑﺠﻴﺒﻮ ﻟﻴﻚ ﻟﻜﻦ ﺍﺑﻮﻙ ﻟﻮ ﺟﺎﺀ ﺗﻄﻔﺸﻴﻬﻮ ﻭﻻ ﺗﺪﺳﻴﻬﻮ ﻋﺸﺎﻥ ﻡ ﻳﻌﺮﻑ ﻧﻬﺎﺋﻲ ﻟﻮ ﻋﺮﻑ ﻡ ﺑﺮﻳﺤﻨﺎ
ﺍﻧﺎ : ﺍﻱ ﻃﻴﺐ ﻧﻬﺎﺍﺋﻲ ﻡ ﺑﺸﻮﻓﻮ 😍😍
ﺍﻣﻲ : ﺧﻼﺹ ﺳﻤﺢ ﻡ ﺗﻔﺮﺣﻲ ﻋﻨﺪﻱ ﺣﻠﻖ ﺩﻫﺐ ﻛﺪﺍ ﺑﺪﻳﻬﻮ ﻟﻲ ﻋﻤﻚ ﻳﺒﻴﻌﻮ ﻭﻳﺠﻴﺐ ﻟﻴﻚ ﺑﻴﻬﻮ ﺍﻱ ﻛﺸﺎ ﻣﺸﺎ ﺗﺸﺘﻐﻠﻲ ﺑﻴﻬﻮ
ﺍﻧﺎ : ﺍﺣﺒﻚ ﺍﻧﺎ ﻳﺦ 😍😍
ﺍﻣﻲ : ﻭﺍﻧﺎ ﺯﺍﺗﻲ ﺑﺤﺒﻚ ﻳﻼ ﺍﻣﺸﻲ ﺷﻮﻓﻲ ﺷﻐﻠﻚ ﺑﻲ ﻭﻳﻦ
ﺍﻧﺎ : ﺣﺎﺿﺮﺭﺭ
( ﻣﺸﻴﺖ ﻱ ﺯﻭﻝ ﻧﻀﻔﺖ ﻟﻴﻚ ﺍﻟﺒﻴﺖ ﺩﻩ ﻣﻦ ﺳﺎﺳﻮ ﻟﻲ ﺭﺍﺳﻮ ﺑﻘﻰ ﺑﻠﻤﻊ ﻟﻤﻊ 😂 ﺍﻱ ﺷﻲ ﻭﻻ ﺍﻟﻤﺼﺎﻟﺢ ﻱ ﻋﻤﻚ 😆 ﻳﻼ ﺍﻣﻲ ﺑﺎﻟﻤﺴﺎﺀ ﻛﺪﺍ ﻣﺸﺖ ﻟﻲ ﻋﻤﻲ ﻳﺲ ﻭﻣﺮﺗﻮ ﺭﺍﻧﻴﺎ ﻣﺸﻴﺖ ﻣﻌﺎﻫﺎ ﻃﺒﻌﺎ ﻋﺸﺎﻥ ﺍﺷﻮﻑ ﺍﻻﻛﺸﻨﺎﺕ (😆
ﺳﻠﻤﻮ ﻛﺪﺍ ﻭﻗﻌﺪﻧﺎ ﻓﻲ ﺍﻟﺴﺮﺍﻳﺮ ﺍﻻﺭﺽ ﻛﺎﻧﺖ ﺑﻲ ﻣﻐﺎﺭﺏ ﻛﺪﺍ ﺍﻟﺠﻮ ﻛﺎﻥ ﻳﺴﻮﻱ ﻛﺪﻱ 👋
ﺍﻣﻲ : ﻳﺲ ﻋﻨﺪﻱ ﺣﻠﻖ ﺩﻫﺐ ﻛﺪﺍ ﻋﺎﻳﺰﻩ ﺍﺑﻴﻌﻮ
ﻳﺲ : ﻟﻲ ﻣﺤﺘﺎﺟﻴﻦ ﺣﺎﺟﻪ؟؟
ﺍﻣﻲ : ﻻﻻ ﻭﺍﻟﻠﻪ ﻱ ﻳﺲ ﺑﺲ ﻋﺎﻳﺰﻩ ﻧﺸﺘﺮﻱ ﺗﻠﻔﻮﻥ ﻧﺨﺶ ﺑﻴﻬﻮ ﺍﻟﻌﻮﻟﻤﻪ ﺩﻱ 😂
ﻳﺲ : ﻟﻴﻚ؟
ﺍﻣﻲ : ﻻﻻ ﻟﻲ ﺍﻣﻞ ﺩﻱ ﻣﺠﻨﻨﺎﻧﺎ
ﻳﺲ : ﻛﻠﻤﺘﻮ ﺍﺑﻮﻫﺎ ﻟﻜﻦ؟ﻋﺸﺎﻥ ﻋﺎﺭﻓﻨﻮ ﻣﻌﻘﺪ ﻛﻴﻒ
ﺍﻣﻲ : ﻻﻻ ﺑﻨﺪﺳﻮ ﻣﻨﻮ ﻻﻧﻮ ﻟﻮ ﻛﻠﻤﻨﺎﻫﻮ ﻡ ﺑﻮﺍﻓﻖ ﻳﻮﻡ ﺩﺍﻙ ﻭﺭﻳﺘﻮ ﻭﻗﺮﺏ ﻳﻜﻔﺘﻨﻲ ﺍﻟﺘﻘﻮﻝ ﻋﺎﻳﺰﻩ ﺍﺟﻴﺐ ﻟﻴﻬﺎ ﻣﺼﻴﺒﻪ
ﻳﺲ : ﺍﻱ ﻭﺍﻟﻠﻪ ﺯﻭﻝ ﻣﻌﻘﺪ ﺧﻼﺹ ﺑﺠﻴﺒﻮ ﻟﻴﻜﻢ ﺍﻧﺎ ﻋﻨﺪﻱ ﻗﺮﻭﺵ
ﺍﻣﻲ : ﻻﻻ ﻭﺍﻟﻠﻪ ﻱ ﻳﺲ ﺍﻧﺎ ﻫﺪﻱ ﻋﻨﺪﻱ ﺣﻠﻖ ﺑﻴﻌﻮ ﻭﺟﻴﺐ ﺑﻴﻬﻮ
ﺭﺍﻧﻴﺎ : ﻻﻻ ﻭﺍﻟﻠﻪ ﻱ ﺧﺎﻟﺘﻮ ﻋﻨﺪﻭ ﻫﻮ ﻗﺮﻭﺵ ﺑﺠﻴﺐ ﻟﻴﻜﻢ ﻣﻨﻬﺎ ﻡ ﺗﺤﺮﺟﻴﻬﻮ ﺍﻛﺘﺮ ﻫﻮ ﻡ ﺣﻴﻘﺪﺭ ﻳﺸﻴﻞ ﻣﻨﻚ ﺍﻟﺤﻠﻖ ﻋﻴﺐ ﻣﻨﻨﺎ ﺍﻧﺘﻲ ﺯﺯﻱ ﺍﻣﻨﺎ ﺧﻠﻴﻬﻮ ﻣﻌﺎﻙ ﻱ ﺍﻣﻲ ﻭﻧﺤﻨﺎ ﺍﻣﻞ ﺩﻱ ﺯﻱ ﺍﺧﺘﻨﺎ ﻭﺍﻛﻴﺪ ﺡ ﻧﺠﻴﺒﻮ ﻟﻴﻬﺎ
( ﺍﻣﻲ ﺭﻓﻀﺖ ﺑﺲ ﻳﺲ ﻋﻤﻲ ﻭﻣﺮﺗﻮ ﺭﺍﻧﻴﺎ ﺍﺻﺮﻭ ﻡ ﻳﺸﻴﻠﻮ ﻣﻨﻬﺎ ﺍﻟﺤﻠﻖ ﻭﺍﻧﻮ ﻳﺠﻴﺒﻮ ﻟﻲ ﺍﻟﺘﻠﻔﻮﻥ ﻫﻢ ﻭﻃﺒﻌﺎ ﺍﻧﺎ ﺍﻟﻜﻼﻡ ﻋﺎﺟﺒﻨﻲ ﻟﻴﻚ ﻛﻴﻒ ﻻﻧﻮ ﻛﺪﺍ ﻛﺪﺍ ﺡ ﻳﺠﻴﺒﻮ ﻟﻲ 😂 ﺍﻟﻤﻬﻢ ﻓﻲ ﺍﻟﻨﻬﺎﻳﻪ ﻋﻤﻲ ﻗﺎﻝ ﺑﺸﺘﺮﻳﻬﻮ ﻟﻲ ﻫﻮ (😍😍
ﻳﻼ ﻣﺸﻴﻨﺎ ﺍﻧﺎ ﻭﺍﻣﻲ ﺍﻭﺿﺘﻨﺎ ﺍﺗﻮﻧﺴﻨﺎ ﻛﺪﺍ ﻭﻣﺸﻴﺖ ﻋﻤﻠﺖ ﺍﻟﻔﻄﻮﺭ ﺟﻬﺰﺗﻮ ﻭﻓﻄﺮﻧﺎ ﻭﺭﺟﻌﺖ ﻏﺴﻠﺖ ﻋﺪﻩ ﺍﻟﻔﻄﻮﺭ ﻗﻌﺪﺕ ﻛﺪﺍ ﺯﻫﺠﺖ ﻗﻠﺖ ﻟﻲ ﺍﻣﻲ ﺍﻧﺎ ﻣﺎﺷﻪ ﻟﻲ ﺻﺤﺒﺘﻲ ﻳﺎﺳﻤﻴﻦ ﻗﺎﻟﺖ ﻟﻲ ﻻ ﺣﻨﺴﺘﻬﺎ ﻛﺪﺍﺍ ﺑﻌﺪ ﺷﻮﻳﻪ ﻗﺎﻟﺖ ﻟﻲ ﺍﻣﺸﻲ ﻟﻜﻦ ﻡ ﺗﺘﺄﺧﺮﻱ ﺍﻟﺴﺎﻋﻪ 1 ﺍﻟﻘﺎﻙ ﻓﻲ ﻭﺷﻲ
ﺍﻧﺎ : ﺳﻤﺢ
( ﻣﺸﻴﺖ ﻟﻲ ﺻﺤﺒﺘﻲ ﻳﺎﺳﻤﻴﻦ ﻋﻨﺪﻫﺎ ﺍﺧﺘﻴﻦ ﺻﻐﺎﺭ ﻭﺣﺪﻩ ﻓﻲ ﺗﺎﻧﻴﻪ ﺍﺑﺘﺪﺍﺋﻲ ﺍﺳﻤﻬﺎ ﺳﻤﺎﺡ ﻭﻭﺣﺪﻩ ﻓﻲ ﺧﺎﻣﺲ ﺍﺳﻤﻬﺎ ﻣﻼﻙ ﻭﺍﻣﻬﺎ ﻭﺍﺑﻮﻫﺎ ﺑﺲ ﻳﺎﺳﻤﻴﻦ ﺩﻱ ﺍﻫﻠﻬﺎ ﺻﻌﺒﻴﻦ ﻡ ﺑﺘﻄﻠﻊ ﻣﻦ ﺍﻟﺒﻴﺖ ﺍﻻ ﻣﻌﺎﻫﻢ )
ﺍﻟﻤﻬﻢ ﺩﻗﻴﺖ ﺍﻟﺒﺎﺏ ﻓﺘﺤﺖ ﻟﻲ ﺍﺧﺘﻬﺎ ﻣﻼﻙ ﺳﻠﻤﺖ ﻋﻠﻴﻬﺎ ﻭﺩﺧﻠﺘﻨﻲ ﻟﻲ ﻳﺎﺳﻤﻴﻦ ﺳﻠﻤﺖ ﻋﻠﻴﻬﺎ ﻭﻗﻌﺪﻧﺎ ﻧﺘﻮﻧﺲ ﻛﺪﺍ
ﻳﺎﺳﻤﻴﻦ : ﻱ ﺑﺖ ﺭﺍﻳﻚ ﺷﻨﻮ ﻧﻤﺸﻲ ﻧﺎﻛﻞ ﺍﺳﻜﺮﻳﻢ
ﺍﻧﺎ : ﺍﻧﺘﻲ ﻋﻮﻳﺮﻩ ﺩﺍﻳﺮﻩ ﺗﺪﻗﻲ ﻡ ﺑﺨﻠﻮﻙ ﻱ ﺑﺖ
ﻳﺎﺳﻤﻴﻦ : ﻧﻬﺮﺏ 😆
ﺍﻧﺎ : ﻭﺍﻗﺴﻢ ﺑﺎﻟﻠﻪ ﺍﻟﺼﻖ ﻓﻴﻚ ﻛﻒ ﻟﻤﻦ ﺃﺃﺩﺑﻚ ﻋﺎﻥ ﺩﻱ ﺩﺍﻳﺮﺍﻧﻲ ﺍﺩﻕ ﻣﻌﺎﻙ ﺍﻣﺸﻲ ﺑﺮﺍﻙ
ﻳﺎﺳﻤﻴﻦ : ﻳﺦ ﻋﺎﻳﺰﻳﻦ ﻧﺘﻌﺎﻭﻥ ﻋﻠﻲ ﺍﻟﻔﺴﺎﺩ 😂
( ﻭﻗﻌﺪﺕ ﺗﻘﻨﻊ ﻓﻴﻨﻲ … )
# ﻳﻼ ﻣﻘﺪﻣﻪ ﺑﺴﻴﻄﻪ ﻟﻠﺮﻭﺍﻳﻪ ﻧﺘﻼﻗﺎ ﻓﻲ ﺍﻟﺤﻠﻘﻪ ﺍﻟﺠﺎﻳﻪ
ﻳﺘﺒﻊ …
# ﻛﺴﺮﻩ ﺑﺴﻴﻄﻪ -:
ﺍﺣﻠﻰ ﺣﺎﺟﻪ ﻓﻲ ﺍﻟﺪﻧﻴﺎ ﺍﻟﺼﺪﺍﻗﻪ ﻣﻤﻜﻦ ﺗﻜﻮﻥ ﺭﺍﺑﻂ ﺍﻗﻮﻯ ﻣﻦ ﺍﻟﺤﺐ ﺑﻲ ﻛﺘﻴﺮ ﻭﺍﻟﺰﻭﻝ ﺍﻟﺒﻜﻮﻥ ﻋﻨﺪﻭ ﺻﺪﻳﻖ ﻭﺻﺪﻳﻖ ﺣﻘﻴﻘﻲ ﻳﻜﻮﻥ ﺑﻴﺖ ﺍﺳﺮﺍﺭﻭ ﻭﻛﻤﺎﻥ ﻳﻘﻴﻒ ﻣﻌﺎﻫﻮ ﻓﻲ ﺍﻟﻤﺮﻩ ﻗﺒﻞ ﺍﻟﺤﻠﻮﻩ ﺑﻜﻮﻥ ﺍﻟﺰﻭﻝ ﺩﻩ ﻣﺤﻈﻮﻅ ﻓﻌﻼ ﺍﻟﻠﻬﻢ ﺻﺪﻳﻘﺎ ﻳﻜﻦ ﻣﻌﻲ ﻟﻼﺑﺪ 💕
ﻳﺘﺒﻊ
اعمل متابعة للصفحة ليصلك باقي الروايه