منظمة الصحة العالمية : السودان يواجه الخطر
الاسبوع القادم .. هو اهم اسبوع حايعدي على السودان في ازمة كورونا الحالية ...
كل الدول اللي سبقتنا .. الفايروس انتشاره انفجر في الاسبوع الثالث .. و خرج عن السيطرة في الاسبوع الرابع ..
و عشان كده الاسبوع الثالث حقنا ده هو الاختبار الحقيقي ...
و اللي حايحصل سيناريو واحد من اثنين ...
السيناريو الاول : الناس حاتستمر في الاستهتار بالموضوع .. و حايستمروا في اقناع نفسهم ان الموضوع بعيد و عند الناس التانيين و حايستمرو في الاهمال و التعامل مع الموضوع على انه حرب اعصاب ..
و أنهم انصح من كل اللي حواليهم ...
السيناريو ده حايكون معناه ان المصاب حايعادي كل ناس بيتهم و جيرانو .. و حتى العامل احتياطاته حتبقي معركته اصعب و حمايته اصعب .
ده نفس السيناريو اللي حصل في ايطاليا .. الناس شالت اجازات .. نزلت المولات و عملوا تجمعات ..
وحاليا بيتم اختيار الناس اللي حاتاخد مكان على اجهزة التنفس الصناعي بالقرعة و الباقي هو و حظه.
السيناريو الثاني : ان الناس تفهم خطورة الموقف .. و اللي عارف يقول للمعارف .. و اللي فاهم يقول للبسيط .. و اللي عنده سلطة ينفذها و يجبر الناس اللي يقدر عليهم انهم يلتزموا .
السناريو ده .. هو سيناريو الوعي .. ده نفس السيناريو اللي بيطبق في الصين .. الدولة المصدر ... نفس السيناريو الخلا مقاطعة ووهان الكانت هي المنبع .. انها تحتفل من يومين انها خالية من الفيروس ...
الموضوع حساباته بسيطة .. الفايروس مدة احتضانه ١٤ يوم .. لو سيطرنا على نفسنا كمجتمع ٣ اسابيع .. الازمة تخلص .. لان لو كلو التزم .. المصاب ما حايلاقي واحد يعاديه .. و باذن الله يخف .. و اللي بيحافظ على نفسو تبقى مهمته اسهل عشان كل اللي حواليهو فاهم و بيتعاون .
دورك هسي انك تختار السيناريو المناسب ليك .. لو ليك اي سلطة او صوتك مسموع .. وصل صوتك و عرف اللي حواليك ان المعركة عايزة كل شخص .. لو انت يوتيوبر او ليك متابعين على السوشيال ميديا فيسبوك وتويتر .. كلم كل الناس العندك و عرفهم ان مافي حاجة اسمها ناس ايوا و ناس لا في المعركة دي ...
لو عندك زول لسه مقتنع ان الموضوع مؤامرة او انه بعيد عننا .. فهمو ان الكلام ده ما حقيقي .. و ان موقفه السلبي ممكن يتسبب في عدوى لاولادو او بيته او زمايلو في الشغل .
نحن هسي في نفس الاختبار الدخلتو كل الدول القبلنا ... و مع انه هو نفس الفيروس ... لكن كل دولة حصل فيها حكايه مختلفة على حسب رد فعل شعبها .. و هل فهموا بعض و وقفوا مع بعض و قاوموا الجهل و قاوموا الاهمال .. والا فضلوا فاكرين ان كل الحواليهم بيبالغوا.. الحكومة عندنا بتعمل كل البتقدر عليه .. لكن ما حيقدروا يتابعونا في بيوتنا .. لازم كل واحد يبقى مسؤول عن اسرتو واحبابو ..
وخليكم متزكرين ...
في دولة احتفلت بانتهاء الفيروس من مجموعة من مقاطعاتها (محافظاتها)
وفي دولة قالت لشعبها .. ودعوا من تحبون .. فالنهاية قادمة.
الحيدعم الموقف الصح يعمل شير للبوست او ينسخو في حسابو ...
منقول
وفعلوا هاشتاق..
#كورونا_الاسبوع_الثالث
#كورونا
#كورونا_السودان
#الاسبوع_الثالث