ﺳﻤﺮﺍﺀ 1
ﺑﻘﻠﻢ : ﺳﻨﺪﺱ ﻣﺎﻟﻚ
ﻋﻨﺪﻧﺎ ﻋﺮﺱ ﺃﺧﺘﻲ ﻓﻲ ﺍﻟﺒﻴﺖ ﻭ ﻧﺤﻨﺎ ﻭﺿﻌﻨﺎ ﻣﺎﻗﺪﺭ ﻛﺪﻩ ، ﻧﺎﺱ ﺑﺴﻴﻄﻴﻦ
ﺷﺪﻳﻴﺪ ﺃﺑﻮﻱ ﺷﻐﺎﻝ ﻋﺎﻣﻞ ﻓﻲ ﻣﺼﻨﻊ ﺑﻠﻢ ﺍﻟﻄﻮﺏ ﻟﻠﺒﻨﻴﺎﻥ ﻭ ﺑﻮﺩﻳﻬﻮ ﺟﻮﻩ
ﻣﻮﻗﻊ ﺍﻟﺒﻨﻴﺎﻥ ﺩﻩ ﺷﻐﻠﻮﺍ ﺍﻟﺨﻄﻴﻴﺮ ﻳﻌﻨﻲ ﺍﻟﺪﺍﻳﻤﺎ ﺃﻣﻲ ﻣﺴﻤﻌﺎﻧﺎ ﺟﻤﻠﺔ ﺃﺑﻮﻛﻢ
ﺷﻘﻴﺎﻥ ﻋﺸﺎﻧﻜﻢ ﻭ ﺇﺣﻨﺎ ﺍﺳﺎﺳﺎ ﻗﺎﻋﺪﻳﻦ ﻓﻲ ﺑﻴﺖ ﻣﺎﻟﻚ ﺍﻟﻤﺼﻨﻊ ﺯﺍﺗﻮ ﺃﺩﺍﻧﺎ
ﻟﻴﻬﻮ ﺑﺪﻭﻥ ﺃﻳﺠﺎﺭ ﺻﺪﻗﻪ ﻭﻻ ﻛﺮﻡ ﻣﻨﻮ ﻣﺎ ﺑﻌﺮﻑ ﺍﻟﻤﻬﻢ ﻗﺎﻋﺪﻳﻦ ﻓﻴﻬﻮ ،،
ﺃﻧﺎ ﻣﺎ ﻣﻌﺘﺮﺿﻪ ﻋﻠﻰ ﻗﺴﻤﺘﻨﺎ ﺩﻱ ﻭﻻ ﺇﺭﺍﺩﺓ ﺭﺑﻨﺎ ﺑﺲ ﺣﺎﻟﻨﺎ ﻣﺎﻋﺎﺟﺒﻨﻲ
ﻧﻬﺎﺋﻴﺎ ﺍﻟﺤﺎﺟﻪ ﺍﻟﻤﺰﻋﻼﻧﻲ ﻛﻤﺎﻥ ﺇﻧﻮ ﺃﻣﻲ ﺑﺮﻏﻢ ﺃﺑﻮﻱ ﺍﻟﻌﺮﺱ ﻓﻴﻬﺎ ﻭ
ﺟﺎﺏ ﻭﻟﺪﻳﻦ ﻣﻦ ﻣﺮﺗﻮ ﺍﻟﺠﺪﻳﺪﻩ ﻟﺴﻪ ﺑﺘﺤﺘﺮﻣﻮﺍ ﻭ ﺷﺎﻳﻔﺎﻫﻮ ﺧﻼﺹ ﺃﻋﻈﻢ
ﺭﺍﺟﻞ ﻓﻲ ﺍﻟﺪﻧﻴﺎ ! .. ﻏﺎﻳﺘﻮ ﺑﺲ ﺍﻟﻠﻪ ﻣﺼﺒﺮﻧﻲ ﻋﻠﻰ ﺃﺟﻮﺍﺀ ﺑﻴﺘﻨﺎ ﺩﻩ ﺃﻧﺎ ﻣﺎ
ﺑﺮﺿﻰ ﺍﻟﺤﻘﺎﺭﻩ ﻭﺃﻣﻲ ﻣﺴﻜﻴﻨﻪ ﻳﺎﺥ ﺷﺪﻳﺪ ﻻ ﺑﺘﻬﺶ ﻭﻻ ﺑﺘﻨﺶ
ﻭﻃﺒﻌﺎ ﻋﺸﺎﻥ ﻫﻮ ﺍﺑﻮﻱ ﻣﺤﺘﺮﻣﺎﻫﻮ ﻟﻜﻦ ﻣﺎ ﻗﺮﻳﺒﻪ ﻣﻨﻮ ﺯﻱ ﻣﺎﻗﺮﻳﺒﻪ ﻣﻦ ﺍﻣﻲ
ﻳﻤﻜﻦ ﻻﻧﻮ ﻫﻮ ﺯﺍﺗﻮ ﻣﺎ ﺍﻟﻨﻮﻉ ﺍﻟﺒﺼﺎﺣﺐ ﻭ ﻛﺪﻩ ﻫﻮ ﺻﻌﺐ ﻭ ﻣﺘﺤﻜﻢ ﻓﻲ
ﺍﻟﺒﻴﺖ ﻭ ﺩﻩ ﺍﺫﺍ ﺟﺎﻧﺎ ﺍﺳﺎﺳﺎ ﺍﻏﻠﺐ ﻭﻗﺘﻮ ﻣﻊ ﻣﺮﺗﻮ ﺍﻟﺠﺪﻳﺪﻩ ﻭ ﺍﻭﻻﺩﻭ ﺍﻣﺎ
ﺍﻣﻲ ﻭﺍﻧﺎ ﻭ ﺍﺧﻮﺍﺗﻲ ﺍﻻﺗﻨﻴﻦ ﻣﺮﺍﺩﻱ ﻭ ﻣﻼﻙ ﻣﺎ ﺑﺠﻴﻨﺎ ﻛﺘﻴﺮ ،، ﺍﻟﻠﻴﻠﻪ
ﻋﺮﺱ ﻣﺮﺍﺩﻱ ﻭ ﺍﻟﺒﻴﺖ ﺟﺎﻳﻂ ﻣﻦ ﺍﻟﺼﺒﺎﺡ ﺍﻟﺠﻴﺮﺍﻥ ﺑﻨﻀﻔﻮﺍ ﻓﻲ ﺍﻟﺨﻀﺎﺭﺍﺕ
ﻭ ﺍﻻﻫﻞ ﺑﻨﻀﻔﻮﺍ ﻓﻲ ﺍﻟﺒﻴﺖ ﻭ ﺍﻟﻔﻄﻮﺭ ﻓﻲ ﺍﻟﻨﻴﺮﺍﻥ ﺧﻼﺹ ﻗﺮﺏ ﻳﻨﺘﻬﻲ
.. ﻣﻼﻙ ﺩﺍﻳﻤﺎ ﻓﻲ ﺣﺎﻟﺔ ﻧﻘﺎﺵ ﻣﻊ ﺍﻣﻲ ﺑﺘﻘﻮﻝ ﻟﻴﻬﺎ ﺍﻗﺮﻱ ﺍﻧﺘﻲ ﻣﻤﺘﺤﻨﻪ
ﻟﻠﺜﺎﻧﻮﻱ ﻭ ﻫﻲ ﻣﺎﺑﺘﺤﺐ ﺍﻟﻘﺮﺍﻳﻪ ﺟﻨﻬﺎ ﺗﺤﺸﺮ ﻧﻔﺴﻬﺎ ﻓﻲ ﺍﻣﻮﺭ ﺍﻟﻜﺒﺎﺭ ﻭ
ﻗﻌﺪﺍﺕ ﺍﻟﻨﺴﺎﻭﻳﻦ ﻭ ﺷﻤﺎﺭﺍﺕ ﺍﻟﺤﻠﻪ .. ﻣﺮﺍﺩﻱ ﻓﻲ ﺍﻟﻜﻮﻓﻴﺮ ﺍﻟﺠﻨﺒﻨﺎ
ﺑﺸﺎﺭﻋﻴﻦ ﺑﺲ ﻛﻮﻓﻴﺮ ﺑﺴﻴﻂ ﺷﺪﻳﺪ ﻭ ﺳﺖ ﺍﻟﻜﻮﻓﻴﺮ ﻣﻜﻴﺎﺟﻬﺎ ﺯﻱ ﻭﺷﻬﺎ
.. ﻋﺮﻳﺲ ﻣﺮﺍﺩﻱ ﻣﻦ ﺍﻫﻠﻨﺎ ﻭﻟﺪ ﺧﺎﻟﺔ ﺃﻣﻲ ﺇﺳﻤﻮ ﻋﻤﺎﺭ ﻋﻨﺪﻭ ﺩﻛﺎﻥ ﻓﻲ
ﺍﻟﺤﻠﻪ ﺍﻟﺠﻨﺒﻨﺎ ﺑﺒﻴﻊ ﻓﻴﻬﻮ ﺑﺎﺳﻄﻪ ﺑﻲ ﻟﺒﻦ ﻟﻠﻌﺸﺎﺀ ﺑﺎﻟﻤﺴﺎﺀ ﻭ ﺑﺎﻟﺼﺒﺎﺡ
ﺑﺴﻮﻕ ﺭﻛﺸﺔ ﺭﺍﺟﻞ ﺟﻴﺮﺍﻧﺎ ﻭﺑﺘﻘﺎﺳﻢ ﻣﻌﺎﻫﻮ ﺍﻟﻘﺮﻭﺵ ..
ﻏﺎﻳﺘﻮ ﻋﻠﻰ ﺣﻈﻬﺎ ﺍﻟﻀﺎﺭﺏ ﺟﺎﺑﺖ ﻋﺮﻳﺲ ﺿﺎﺍﺭﺏ ﺯﻳﻬﺎ ﻭ
ﻓﻲ ﺍﻟﺒﻴﺖ ﻓﻲ ﺃﻧﺎ ﺳﻨﺪﺱ ﺍﻟﻮﺳﻄﺎﻧﻴﻪ ﺳﻤﺮﺍﺀ ﺳﻤﺎﺭ ﻓﺎﺗﺢ ﻛﺪﻩ ﻋﻴﻮﻧﻲ
ﻛﺒﺎﺭ ﻭ ﺷﻌﺮﻱ ﻃﻮﻳﻞ ﻧﺎﻋﻢ ﻏﺎﻳﺘﻮ ﺧﺎﻟﺘﻲ ﺑﺘﻘﻮﻝ ﻟﻲ ﺇﻧﻮ ﺍﻟﻮﺳﺎﺧﻪ ﺑﺘﻄﻮﻝ
ﺍﻟﺸﻌﺮ ﻭ ﺍﻧﺘﻲ ﻣﻊ ﺟﺎﻣﻌﺘﻚ ﺩﻱ ﻣﺎ ﺑﺘﻤﺸﻲ ﻓﻴﻬﻮ ﻣﺸﻂ ﻋﺸﺎﻥ ﻛﺪﻩ ﻃﺎﻝ
.. ﺍﺧﺮ ﺳﻨﻪ ﻟﻲ ﻓﻲ ﺍﻟﺠﺎﻣﻌﻪ ﻃﺒﻌﺎ ﻋﺸﺎﻥ ﻋﺎﺭﻑ ﻇﺮﻭﻑ ﻧﺎﺱ ﺍﻟﺒﻴﺖ ﻭ
ﻫﻢ ﻣﺎﺧﻠﻮ ﻣﺮﺍﺩﻱ ﺗﺘﻢ ﻗﺮﺍﻳﺘﻬﺎ ﻓﺄﻧﺎ ﺍﺻﺮﻳﺖ ﺍﺩﺧﻞ ﺍﻟﺠﺎﻣﻌﻪ ﺑﻨﺴﺒﺘﻲ
ﺷﺎﺍﺍﻃﺮﻩ ﺷﺪﻳﻴﻴﺪ ﻭ ﺫﻛﻴﻪ ﻭ ﺟﻤﻴﻠﻪ ﺟﺪﺍ .. ﺍﻭﻻﺩ ﺍﻟﺤﻠﻪ ﻛﻠﻬﻢ ﻣﻌﺠﺒﻴﻦ ﺑﻲ
ﺑﺲ ﻷﻧﻮ ﺍﻣﻲ ﻋﺎﺭﻓﺎﻧﻲ ﺷﺎﻳﻠﻪ ﻓﻜﺮﺓ ﺍﻟﻌﺮﺱ ﺑﺘﻘﻮﻝ ﻟﻴﻬﻢ ﺳﻨﺪﺱ ﺩﺍﻳﺮﻩ
ﺗﺘﻢ ﺟﺎﻣﻌﺘﻬﺎ .. ﻓﻲ ﺍﻟﺠﺎﻣﻌﻪ ﺑﺮﺿﻮ ﺃﻭﻻﺩ ﺍﻟﺪﻓﻌﻪ ﻋﻠﻰ ﻏﻴﺮ ﻧﺎﺱ ﺍﻟﺪﻓﻌﻪ
ﺩﺍﻳﺮﻳﻦ ﻃﺮﻳﻘﻪ ﻳﺼﻠﻮﺍ ﻟﻲ ﺑﻴﻬﺎ .. ﺃﻧﺎ ﻣﺎ ﻋﺎﻳﺰﺓ ﺯﻭﻝ ﻣﻨﻬﻢ ﻳﻌﺮﻑ ﻭﺿﻌﻨﺎ
ﻛﻴﻒ ﻓﻲ ﺍﻟﺒﻴﺖ ﻋﺸﺎﻥ ﻛﺪﻩ ﻣﻔﺘﺮﻳﻪ ﻭﺭﺍﻓﻌﻪ ﻗﺰﺍﺯﻱ ﻋﻠﻴﻬﻢ ﻷﻧﻮ ﻟﻮ ﻫﻢ
ﺩﺧﻠﻮﺍ ﺑﻴﺘﻨﺎ ﻭﺷﺎﻓﻮﻧﻲ ﻋﺎﻳﺸﻪ ﻛﻴﻒ ﻓﻲ ﺍﻟﺨﺮﺍﺑﻪ ﺩﻳﻚ ﺧﻼﺹ ﻣﻨﻈﺮﻱ
ﺣﻴﺘﺨﺮﺏ ﻗﺪﺍﻡ ﺍﻟﻨﺎﺱ .. ﻣﺎﻋﺰﻣﺘﻬﻢ ﻟﻲ ﻋﺮﺱ ﺍﺧﺘﻲ ﺃﺳﺎﺳﺎ ﻗﻠﺖ ﻣﺎ
ﺍﻭﺭﻳﻬﻢ ﺍﻻ ﺑﻌﺪ ﺍﻟﻌﺮﺱ ﻳﺨﻠﺺ ﺍﻧﻮ ﺍﺧﺘﻲ ﻋﺮﺳﺖ ﺣﺘﻰ ﻟﻲ ﺍﻟﺒﻨﺎﺕ ﻓﻲ
ﺍﻟﻘﺮﻭﺏ ﺑﺘﺎﻋﻨﺎ .. ﻣﻼﻙ ﺟﺎﺗﻨﻲ ﺟﺎﺭﻳﻪ ﻗﺎﻟﺖ ﻟﻲ ﺳﻨﺪﺱ ﺍﻣﻲ ﻗﺎﻟﺖ ﻟﻴﻚ
ﺭﻛﺒﺘﻲ ﺍﻻﻧﻮﺍﺭ ﻓﻲ ﺍﻟﺸﺎﺭﻉ ﻗﻠﺖ ﻟﻴﻬﺎ ﺍﻱ ﺭﻛﺒﺘﻬﺎ ﺗﺎﻧﻲ ﻓﻲ ﺷﻨﻮ !
ﻗﺎﻟﺖ ﻟﻲ ﺷﻨﻴﻨﻪ ﺃﻡ ﻗﺮﻳﻨﺎﺕ ﻗﻠﺖ ﻟﻴﻬﺎ ﺃﻣﺸﻲ ﻏﻮﺭﻱ ﻣﻦ ﻭﺷﻲ ﻗﺒﻞ ﻣﺎ
ﺍﻟﻄﺸﻚ ﻛﻒ ﺑﻲ ﻟﺌﺎﻣﺘﻚ ﺩﻱ .. ﺧﺘﺖ ﻳﺪﻫﺎ ﻓﻲ ﻧﺼﻬﺎ ﻭﻭﻗﻔﺖ ﻟﻲ
ﻭﻗﻔﺔ ﺍﻹﺑﺮﻳﻖ ﻭﻗﺎﻟﺖ ﻟﻲ ﻛﺎﻥ ﻣﺮﻩ ﺃﻫﺒﺸﻴﻨﻲ ﻗﻠﺖ ﻟﻴﻬﺎ ﻭﺍﻟﻠﻪ ﻳﺎﻣﻼﻙ
ﻣﺎ ﺗﻐﻮﺭﻱ ﻣﻦ ﻭﺷﻲ ﻗﺪﺍﻡ ﺍﻟﻨﺎﺱ ﺃﻭﺭﻳﻚ ﻟﻴﻬﻮ .. ﻗﺎﻣﺖ ﺟﺎﺭﻳﻪ ﺑﻌﺪ ﺣﻤﺮﺗﺎ
ﻟﻴﻬﺎ ﺍﺗﻠﻔﺘﺎ ﻟﻘﻴﺖ ﻋﻤﺘﻲ ﺑﺘﻌﺎﻳﻦ ﻟﻲ ﻣﻦ ﻓﻮﻕ ﻟﻲ ﺗﺤﺖ ﻗﺎﻟﺖ ﻟﻲ ﺇﻧﺘﻲ
ﻧﺎﻭﻳﻪ ﺑﺘﻴﻦ ﺗﻠﺤﻘﻲ ﺃﺧﺘﻚ ! ﻗﻠﺖ ﻟﻴﻬﺎ ﻣﺎ ﻧﺎﻭﻳﻪ ﻭﺍﻟﻠﻪ ﻟﺴﻪ ﻗﺎﻟﺖ ﻟﻲ
ﺃﺣﻤﺪ ﻭﻟﺪﻱ ﻗﺎﻝ ﺧﻼﺹ ﺍﻟﻌﺮﺱ ﺑﻌﺪ ﺩﻩ ﻭﺍﻟﻜﻠﻤﻪ ﻛﻠﻤﺔ ﺍﺑﻮﻙ .. ﻗﻠﺖ
ﻟﻴﻬﺎ ﻭﺍﻟﻠﻪ ﺩﺍﻙ ﺍﺑﻮﻱ ﻳﻠﻘﻰ ﻟﻴﻬﻬﻮ ﺑﺖ ﻳﻌﺮﺳﻬﺎ ﻟﻲ ﻭﻟﺪﻙ .. ﻭﻗﻔﺖ
ﻋﻠﻰ ﺣﻴﻠﻬﺎ ﻗﺎﻟﺖ ﻟﻲ ﺻﺤﻲ ﻭﺍﻟﻠﻪ ﻧﺎﺩﺭ ﻣﺎ ﻋﺮﻑ ﻳﺮﺑﻜﻦ ﻛﻠﻜﻦ ﻣﻦ ﺍﺧﺘﻚ
ﺍﻟﻠﻠﺌﻴﻤﻪ ﻟﻴﻚ ﺍﻧﺘﻲ ﻳﺎ ﺍﻟﺸﺎﻳﻔﻪ ﺭﻭﺣﻚ ﻋﻠﻰ ﺷﻨﻮ ﻣﺎﺑﻌﺮﻑ .. ﺷﺎﻳﻔﻪ
ﺭﻭﺣﻚ ﻋﻠﻰ ﻭﻟﺪﻱ ﻣﻦ ﺟﻤﺎﻟﻚ ﺍﻟﻔﺎﻳﺖ ﺣﺪﻭ ؟ ﻭﻻ ﻣﻦ ﺍﻟﻌﺰ ﺍﻟﻌﺎﻳﺸﻪ
ﻓﻴﻬﻮ ! ﻭﻻ ﺗﻜﻮﻧﻲ ﻋﺸﺎﻥ ﺡ ﺗﺘﺨﺮﺟﻲ ﺧﻼﺹ ﻗﺎﻳﻠﻪ ﻧﻔﺴﻚ ﺑﻘﻴﺘﻲ
ﺷﻲ ! .. ﻣﺎ ﺑﺘﺴﻮﻱ ﺣﺎﺟﻪ ﻻ ﺍﻧﺘﻲ ﻭﻻ ﺍﺧﻮﺍﺗﻚ ﻭﻻ ﺍﻣﻚ ﻣﺤﺎﺳﻦ ﺯﺍﺗﻬﺎ
ﺍﺻﻠﻮ ﻛﺎﻥ ﻣﻨﻬﺎ ﻧﻔﻌﻪ ﻣﺎ ﻛﺎﻥ ﺟﺎﺏ ﻟﻴﻬﺎ ﺿﺮﻩ ﺍﺧﻮﻱ ، ﺍﺧﺮﻙ ﺳﻮﺍﻕ
ﺭﻛﺸﻪ ﻳﺎ ﺳﻨﺪﺱ ﺯﻳﻚ ﺯﻱ ﺍﺧﺘﻚ .. ﻛﺘﻤﺖ ﻛﻼﻣﻬﺎ ﻭ ﺩﺧﻠﺘﺎ ﺟﻮﻩ ﻃﻮﺍﻟﻲ
ﺷﻠﺘﺎ ﺍﻟﻤﻜﻨﺴﻪ ﺑﻜﻨﺲ ﻓﻲ ﺍﻟﻐﺮﻓﻪ ﻭ ﺑﺒﻜﻲ ﻭﺑﻘﺶ ﻓﻲ ﺩﻣﻮﻋﻲ ﻟﻮ ﻣﺎ ﻣﺮﻩ
ﻛﺒﻴﺮﻩ ﻛﺎﻥ ﺳﻤﻌﺘﻬﺎﺍ ﻟﻜﻦ ﻋﺸﺎﻥ ﻗﺪﺭ ﺍﻣﻲ ﻭﻋﺮﺱ ﺍﺧﺘﻲ ﻛﺘﻤﺘﻬﺎ ﺟﻮﺍﻱ ﻭ
ﺳﻜﺘﺎ ﺑﻌﺪ ﻓﺮﺷﺘﺎ ﺍﻟﻐﺮﻓﻪ ﻃﻠﻌﺖ ﺷﻠﺘﺎ ﻫﺪﻭﻣﻲ ﻭﻣﺸﻴﺖ ﻟﻠﺠﻴﺮﺍﻥ
..
..
ﺍﺑﻮﻱ ﺟﺎ ﺩﺍﺧﻞ ﺑﻌﺪ ﺍﻟﻌﻘﺪ ﻗﻌﺪ ﺟﻨﺐ ﻋﻤﺘﻲ ﻃﻮﺍﻟﻲ ﻓﺘﺤﺖ ﻣﻌﺎﻫﻮ ﺳﻴﺮﺓ
ﺍﻟﻌﺮﺱ ﺍﻧﺎ ﻭ ﺍﺣﻤﺪ ﻗﺎﻝ ﻟﻴﻬﺎ ﺑﺲ ﺧﻠﻴﻬﺎ ﺗﺨﻠﺺ ﺍﻟﺠﺎﻣﻌﻪ ﻭﺍﻧﺎ ﺑﺪﻳﻜﻢ
ﻟﻴﻬﺎ .. ﻭ ﺍﻧﺎ ﻣﻊ ﺟﻴﺮﺍﻧﺎ ﻧﺎﺱ ﺍﻣﻞ ﺿﺮﺏ ﻟﻲ ﻓﻲ ﺍﻟﺘﻠﻔﻮﻥ ﻭﻟﺪ ﺩﻓﻌﺘﻨﺎ
ﺳﺎﻣﺮ ﻃﺒﻌﺎ ﻷﻧﻮ ﻫﻮ ﺯﺍﺗﻮ ﺩﺍﻳﺮﻧﻲ ﻣﺎ ﻣﺪﻳﺎﻫﻮ ﻓﺮﺻﻪ ﻟﻠﻜﻼﻡ ﺍﻟﻜﺘﻴﺮ ﻭ
ﻣﺎﻓﺎﺿﻴﻪ ﻟﻴﻬﻮ ﻋﺸﺎﻥ ﻣﺎ ﺃﺩﻳﻬﻮ ﺃﻣﻞ ﺳﺎﻱ ﻭ ﻳﻌﺸﻢ ﻓﻴﻨﻲ ﺃﻧﺎ ﻻﺑﺘﺎﻋﺖ
ﺣﺐ ﻻ ﻛﻼﻡ ﻓﺎﺭﻍ ﺩﺧﻠﺖ ﺍﻟﺠﺎﻣﻌﻪ ﺩﻱ ﻋﻨﺪﻱ ﻫﺪﻑ ﻣﻌﻴﻦ ﻭﺧﻼﺹ ﺳﻠﻢ
ﻋﻠﻲ ﻭ ﻛﺎﻥ ﻋﺎﻳﺰ ﻳﻌﺮﻑ ﻏﺒﺘﺎ ﻟﻴﻪ ﻣﻦ ﺍﻟﺠﺎﻣﻌﻪ ﻗﻠﺖ ﻟﻴﻬﻮ ﻋﻨﺪﻱ ﻋﺮﺱ ﻭ
ﺇﺗﺨﻠﺼﺘﺎ ﻣﻨﻮ ﺳﺮﻳﻊ ﻭ ﻗﻔﻠﺘﺎ ﻣﻨﻮ ﺍﻟﺘﻠﻔﻮﻥ .. ﻟﺒﺴﺘﺎ ﻓﺴﺘﺎﻥ ﺷﺎﻳﻼﻫﻮ ﻣﻦ
ﺻﺤﺒﺘﻲ ﺷﺪﻩ ﻟﻮﻧﻮ ﺍﺳﻮﺩ ﻭ ﻛﺒﻴﺖ ﻟﻲ ﻗﺰﺍﺯﻩ ﺑﻴﺒﺴﻲ ﻓﻠﻔﻠﺖ ﺑﻴﻬﺎ
ﺷﻌﺮﻱ ﻭ ﻋﻤﻠﺖ ﻣﻜﻴﺘﺞ ﺑﺴﻴﻴﻂ ﻭ ﻃﻠﻌﻨﺎ ﻟﻠﺨﻴﻤﻪ ﻓﻲ ﺍﻟﺸﺎﺭﻉ .. ﻛﻨﺎ
ﺷﺎﻳﻠﻴﻦ ﺟﻠﻮﺱ ﻣﻦ ﺍﻟﺠﻴﺮﺍﻥ ﺧﺎﺗﻴﻨﻮ ﻭﻣﺰﻳﻨﻨﻮ ﺑﻲ ﺍﻧﻮﺍﺭ .. ﺑﺪﻳﻨﺎ ﻧﻮﺯﻉ
ﺍﻟﻌﺸﺎ ﻓﻲ ﺻﺤﺎﻧﺎ ﺍﻟﻮﺭﻕ ﻭ ﺍﻟﺒﺎﺭﺩ ﺍﻟﻘﺰﺍﺯ .. ﺍﻟﻔﻨﺎﻥ ﻛﺎﻥ ﻣﻦ ﺍﻭﻻﺩ ﺍﻟﺤﻠﻪ
ﺳﻜﺮﺍﻥ ﻳﻘﻮﻝ ﻛﻠﻤﻪ ﻭ ﻳﻨﺴﻰ ﺑﺎﻗﻲ ﺍﻟﻤﻘﻄﻊ ﻏﺎﻳﺘﻮ ﻟﻤﻦ ﺟﺎﺕ
ﻣﺮﺍﺩﻱ ﻧﺎﺯﻟﻪ ﻣﻦ ﻋﺮﺑﻴﺔ ﻭﻟﺪ ﻋﻤﺘﻲ ﺯﺍﺍﺗﻮ ﺍﺣﻤﺪ ﺍﻻﻣﻮ ﻋﻘﺮﺑﻪ ﺩﻳﻚ ﺯﻓﻮﻫﻢ
ﻭﺩﺧﻠﻮﺍ ﻗﻌﺪﻭﺍ .. ﻏﺎﻳﺘﻮ ﻛﺎﻥ ﻳﻮﻡ ﻣﺘﻌﺐ ﺍﻫﻠﻨﺎ ﻗﻌﺪﻭﺍ ﻣﻌﺎﻧﺎ ﺑﻌﺪ ﺍﻟﻌﺮﺱ
ﺍﺭﺑﻌﻪ ﺍﻳﺎﻡ ﻛﺪﻩ ﻻﺯﻡ ﻳﻜﻤﻠﻮﺍ ﺍﻛﻞ ﺍﻟﻌﺮﺱ ﺍﻟﻔﻀﻞ ﻭ ﻳﻤﺸﻮﺍ .. ﺑﻌﺪ
ﻧﺴﻔﻮﻫﻮ ﻛﻠﻮ ﺣﺘﻰ ﺍﻱ ﺯﻭﻝ ﻟﻤﻠﻢ ﺣﺎﺟﺎﺗﻮ ﻭﻣﺸﻰ ﻃﺒﻌﺎ ﺍﻻ ﻋﻤﺘﻲ ﺍﻟﻔﻘﺮ
ﻗﺎﻋﺪﻩ ﻫﻲ ﻭ ﺑﺘﻬﺎ ﺩﺍﺧﻠﻪ ﻭ ﻃﺎﻟﻌﻪ ﺑﺘﻬﺎ ﺗﻌﺎﻳﻦ ﻟﻲ ﺍﻟﺴﻤﻴﻨﻪ ﺍﻡ ﻛﺮﺵ
ﺍﻟﺤﺎﺳﺪﻩ ﺍﻡ ﺷﻌﺮ ﻣﻘﻄﻊ .. ﺗﻌﺎﻳﻦ ﻟﻲ ﺑﺤﻘﺎﺭﻩ ﻛﺪﻩ ﻳﻌﻨﻲ ﺇﻧﺘﻲ ﻻﻗﻴﻪ
ﺃﺣﻤﺪ ﻭﻳﻴﻴﻦ ﻋﺸﺎﻥ ﺗﻔﺘﺮﻱ ﻋﻠﻴﻨﺎ ﻛﻤﺎﻥ ﻭﺍﻧﺎ ﻋﺸﺎﻥ ﻓﻠﻬﻤﺘﻬﻢ ﺩﻱ
ﻣﺎﺑﻴﺎﺍﺍﻫﻢ .. ﻃﺒﻌﺎ ﻫﻲ ﻧﺪﻳﺪﺓ ﻣﺮﺍﺩﻱ ﻭ ﻣﺘﺰﻭﺟﻪ ﻟﻴﻬﺎ ﺳﻨﺘﻴﻦ ﻭ ﻧﺺ ﺃﻫﺎ
ﻣﺎ ﺑﺘﻘﺪﺭ ﺗﻤﺴﻚ ﺍﻟﻜﻼﻡ ﻓﻲ ﺧﺸﻤﻬﺎ ﻟﻘﺘﻨﻲ ﻣﺎﺳﻜﻪ ﺗﻠﻔﻮﻧﻲ ﻗﻔﻠﺖ
ﺍﻟﺒﺎﺏ ﻭ ﺟﺎﺕ ﻗﻌﺪﺕ ﻣﻘﺎﺑﻠﻪ ﻟﻲ ﻓﻲ ﺍﻟﺴﺮﻳﺮ ﻗﺎﻟﺖ ﻟﻲ ﺍﻧﺘﻲ ﻛﻴﻒ
ﺗﻘﻠﻲ ﺍﺩﺑﻚ ﻋﻠﻰ ﺍﻣﻲ ! ﻗﻠﺖ ﻟﻴﻬﺎ ﺑﺘﻴﻦ ؟ ﻗﺎﻟﺖ ﻟﻲ ﺗﻘﻮﻟﻲ ﻟﻴﻬﺎ ﻣﺎ
ﺑﻌﺮﺱ ﺍﺣﻤﺪ .. ﺿﺤﻜﺘﺎ ﻭﻗﻠﺖ ﻟﻴﻬﺎ ﻭﻛﺪﻩ ﻳﻌﻨﻲ ﻗﻠﻴﺖ ﺍﺩﺑﻲ ﻋﻠﻴﻬﺎ؟
ﻗﺎﻟﺖ ﻟﻲ ﺍﻣﻲ ﺩﻱ ﻛﻠﻤﺘﻬﺎ ﻣﺴﻤﻮﻋﻪ ﻫﻨﺎ ﻋﻠﻰ ﻛﻞ ﺍﻟﻨﺎﺱ ﺳﺎﺍﻣﻌﻪ
ﻣﺎﻋﺸﺎﻥ ﻭﺣﺪﻩ ﻟﺴﻪ ﻣﺎﻗﺎﻣﺖ ﻣﻦ ﺍﺭﺿﻬﺎ ﺗﺘﻼﺋﻢ ﻣﻌﺎﻫﺎ ﻗﺪﺍﻡ ﺍﻟﻨﺎﺱ ..
ﻗﻠﺘﺎ ﻟﻴﻬﺎ ﺳﺒﺤﺎﻥ ﺍﻟﻠﻪ ﺍﻷﻡ ﻣﺎ ﻋﻨﺪﻫﺎ ﺍﺣﺘﺮﺍﻡ ﻭ ﺍﻟﺒﺖ ﺗﺘﺒﻠﻰ ﻋﻠﻰ ﺧﻠﻖ
ﺍﻟﻠﻪ ﻗﺎﻟﺖ ﻟﻲ ﺍﺣﺘﺮﻣﻲ ﻧﻔﺴﻚ ﺃﺣﺴﻦ ﻟﻴﻚ .. ﻋﺎﻳﻨﺘﺎ ﻟﻴﻬﺎ ﻭﺿﺤﻜﺘﺎ ﻗﻠﺖ
ﻟﻴﻬﺎ ﺍﻻﺣﺘﺮﻡ ﻧﻔﺴﻮ ﻣﻨﻮ ! ﻣﺎ ﺗﺨﻠﻴﻨﻲ ﻋﻠﻴﻚ ﺍﻟﻠﻪ ﺍﻧﻜﺖ ﻟﻴﻚ ﺍﻟﺠﻮﺍﻱ ..
ﻭﻗﻔﺖ ﻭﻛﺘﻔﺖ ﻳﺪﻳﻨﻬﺎ ﻭﻗﺎﻟﺖ ﻟﻲ ﺑﺎﻟﻠﻪ ﺍﻧﻜﺘﻲ ﻋﻠﻴﻚ ﺍﻟﻠﻪ .. ﻭﻗﻔﺖ
ﻋﻠﻰ ﺣﻴﻠﻲ ﻣﺒﺘﺴﻤﻪ ﻟﻲ ﺍﺧﺮ ﺿﺮﺱ ﺭﺟﻌﺘﺎ ﺷﻌﺮﻱ ﺑﻲ ﻳﺪﻱ ﻭ ﻳﺪﻱ
ﺍﻟﺘﺎﻧﻴﻪ ﺧﺘﻴﺘﻬﺎ ﻓﻲ ﻛﺘﻔﻬﺎ ﻭ ﻗﻠﺖ ﻟﻴﻬﺎ ﺍﻟﻤﻔﺮﻭﺽ ﻳﺘﻌﻠﻢ ﺍﻹﺣﺘﺮﺍﻡ ﺍﻟﺰﻳﻚ
ﻳﺎ ﻓﺎﻟﺤﻪ ، ﺍﻟﺰﻭﻟﻪ ﺍﻟﺒﺘﻌﻤﻞ ﻋﻼﻗﻪ ﻣﻊ ﺭﺍﺟﻞ ﺗﺎﻧﻲ ﻭ ﻫﻲ ﻣﺘﺰﻭﺟﻪ ! ﻭ
ﺗﺴﺘﻐﻞ ﺳﻔﺮ ﺭﺍﺟﻠﻬﺎ ﻟﻠﻮﻻﻳﺎﺕ ﻭ ﺗﻤﺸﻲ ﻟﻲ ﺣﺒﻴﺐ ﺍﻟﻘﻠﺐ .. ﺳﺒﺤﺎﻥ
ﺍﻟﻠﻪ ﻋﺎﻳﺰﺓ ﺗﻌﻠﻤﻨﻲ ﺍﻧﺎ ﺍﻻﺣﺘﺮﺍﻡ ﺯﻭﻟﻪ ﺯﻳﻚ ! ﺧﻠﻴﺖ ﻭﺷﻬﺎ ﺃﺣﻤﺮ ﻭ ﻣﻨﻔﻮﺥ
ﺯﻱ ﺍﻟﻄﻤﺎﻃﻢ ..
ﻳﺘﺒﻊ